رز بالدجاج والشعيرية (مسابقة غدانا اليوم عندك)

السلام عليكم ورحمة الله وبركاته



أخباركم ياغوالي ؟



غبت عنكم كثير .. واشتقت لكم .. جميعاً ..
وجايه لكم اليوم ومعاي غداي .. عزيمة عودتي إليكم ..

ملاحظة الكمية كبيرة جداً .. يعني تقريباً مقاس الصينية الزجاج الكبيره عدد 2


المقادير والطريقة :

حمي القدر وضعي فيه زيت ولما يصير حار ضعي بهارات صحيحة (كامله مو مطحونة قرنفل / هيل واعملي كسر بسيط في كل حبة / دارسين أو قرفه )

ثم دجاجتين مقطعة ثمان قطع ومنزوعة الجلد
واحمسي لحد ما يصير لون الدجاج أبيض على برتقالي بعدها أضيفي 2 بصل مقطع مربعات صغيره وقلبي بعدين حبة طماطم وقلبي بعدها بهار البيت المعتمد عندك +ثوم مهروس + بهار البرياني من شكرة إسناد (رهيب جداً وماراح تندمين عليه أبداً ) +زنجبيل مبشور + كزبرة مطحونه + فلفل أسود + ملح

بعد ماتتداخل النكهات مع بعض أضيفي كاسة مويه لكل دجاجه وخليها تطبخ على النار ( أنا حطيتها في قدر الضغط أسرع)
في تاوة ضعي زيت مقدار فنجال تقريباً وعليه حبتين بصل واحمسيها زين لحد ماتصير برتقاليه ثم أضيفي عليها كأسين ملفوف مقطع شرايح وجزر مبشور وحمسيها لحد ماتذبل ثم أضيفي كيها كيس شعيرية مكسرة واحمسي شويه ثم صبي عليها (3ملاعق صويا صوص متوسطة + 3ملاعقة كتشب + ملح + فلفل أسود ) وقلبي ثم مرقة الدجاج وخليها لين تستوي ( مرقة شوية انتبهي لاتعجن)
لما تستوي أضيفي عليها الدجاج اللي وقلبيه معها حتى ياخذ من طعمها

بقي لنا الرز تكونين ناقعه 4 أكواب رز لمدة نص ساعه في موية هاتي قدر وحمي فيه الزيت ثم حطي الرز عليه وقلبي لحد مايتشرب الرز الزيت بعدها صبي عليه موية وبهارات صحيحة وقرون فلفل وخليه لحد مايستوي



نجي للطبقات ( في صينية كبيرة )
الطبقة الأولى الرز الأبيض
الطبقة الثانية خلطة الدجاج والشعيرية
للتزيين كزبرة خضراء وقرون فلفل