هل يستمر الحب

موضوع: هل يستمر الحب السبت 02 أبريل 2011, 2:41 pm

القصة اسمها ..((وهل يستمر الحب))

بطلة القصة هي سمسمة وسمسم
هل يستمر الحب Nsaayat8c3b2c4f25

اولا سمسمة بت طيبة جدا في حالها
اوي 20 سنة وامورة وكل اصحابها بيحبوها
وفي يوم وهي مروحة من كلية
ضربتها عربية ..
راحت سمسم الي المستشفي
ومن وقتها وهى بقيت واحده تانيه بعدت عن كل اصحابها
وكل الناس وتقريبا قاطعتهم
.. وجه في يوم جت رسالة عل موبيلها
مكتوب فيها ,مش تنسي الورق عشان مسافر بكرة.
استغربت هي وقالت ايهـ ده اتصل ولا مش اتصل
قالت اتصل ليكون غلطان في الرقم ويكون محتاج الورق ضروري
اتصلت
رد عليها سمسم لحظة اعرفكم بقي علي سمسم
شاب جميل 24 بشتغل في دبي مهندس بسم الله ماشاء الله
سمسم : الو ..
سمسمة : السلام عليكم
سمسم : وعليكم السلام
سمسمة : حضرتكـ بعت رسالة دوقتي لرقم ده وانا قولت اتصل عشان اعرفك الرقم غلط ..
سمسم : غلط ازاي مش ده رقم نادر
سمسمة : لا مش رقم نادر حضرتك
سمسم: طب نتعرف بقي علي صاحبة الصوت جميل
سمسمة:لو سمحت انا خلصت كلامي .. سلام

كلهم واحد عايزين يلعبوا يارب ساعدنى انا تعبت من حياتى

هل يستمر الحب Nsaayat8c3b2c4f25

سمسم وقتها حس ان الصوت دخل لقلبه صوت رقيق وساحر

سافر سمسم ولكن في موبيلهـ رقم سمسمة وفي المحفوظات كمان
تاني يوم سمسمة قاعدة .. زي عادتها بتقري قصة جميلة زيها
اتصل سمسم بيها وكان نفسه ترد ويسمع صوتها بس
سمسمة استغربت قالت ايه ده مين ده ..
سمسمة : السلام عليكم
سمسم : وعليكم السلام انا اللى بعتلك رساله غلط
سمسمة : قالته انت عايز ايه تاني .هو مش عرفت ان رقم غلط
سمسم: والله انا م بعاكس انا بجد عايز اتعرف عليكي صوتك معلق معاايا
سمسمة : ايه معلق دي لو سمحت بليز مش تتصل تاني ياريت.

وقفلت السكة وقالت يعني اعمل ايه بقي في الولا ده .. هو كل الولاد كده عايزين يتسلوا وخلاص مش هرد عليه تانى ها
هل يستمر الحب Nsaayat8c3b2c4f25

سمسم وبعدين بقي مالي عايز اكلمها كده ما اسيبها بقي مش عايزة هى حره
بس لا انا مش قادر انسى صوتها

وعدت الايام وكان كل يوم يتصل وهي م ترد وهو عامل يحاول
وفي يوم ردت علييه
سمسمة: السلام عليكم
سمسم :وعليكم السلام
سمسمة: خير حضرتك عايز ايهـ . بقالك فترة اتصال اتصال ليه
سمسم: بجد من غير كذب انا عايز اكلمك واتعرف عليكي لو لقتني مش محترم خلاص .. مش تكلمني
سمسمة : وتتعرف ليه؟
سمسم:قالها يا ستي في ايدك مش ترد تاني لو طلعت مش كويس
سمسمة:اوك .
هل يستمر الحب Nsaayat8c3b2c4f25

فرح سمسم جدا وعرفها عليه واتعرفت عليهـ واتعلق بيها جدا وبقي م بيعدي يوم الا لما يكلمها. وهي كذالك ..

وفي يوم قعدت سمسمة مع نفسها وقالت واخرتها الموضوع ده لازم ينتهى لانى
بجد منفعش حد لا هو ولا غيره يارب ساعدنى وقدرنى يارب انا خلاص هقوله يبعد
عنى
كفاه لغايه كده انا حبيته
هل يستمر الحب Nsaayat8c3b2c4f25

سمسم اتصل
ردت سمسمة عليه
اول ما فتحت الخط
سمسم :قال بحبك
سمسمة : مش نطقت غير كلمة واحدة وانا بحبك ... تمنع نفسها وهي اصلا بتحبه
سمسم عمرى انا حطتلك نغمه مش عايزه غيرك انت وانت هتحطيلى ايه
سمسمه وانا كمان هحطها هى هى

فضلوا كده اما وشهور
وفي يوم قرر سمسم ينزل مصر اجازة عشان يخطبها وبلغها
وهي اتصدمت طبعا . بالنسبالها الخبر مش مفرح حينزل ويشوف المستخبي
ولي هي كانت رافضة تقوله
هل يستمر الحب Nsaayat8c3b2c4f25

سمسم لاحظ ان سمسمة متغيرة قرر يسئلها
سمسم: مالك يا سمسمة انتي متغيرة ليه في حاجة مزعلاكي
سمسمة: لا ابدا له بتقول كده
سمسم: عشان شايفك مضايقة يا حبيبتي احكيلي انا ااقدر اساعدك
وفي لحظة نفسها انهارت من البكاءء مرة واحدة
سمسم قلق جدا قالها سمسمة فهمني مالك ارجوكي
سمسمة: انت ممكن تسبني يا سمسم انا بجد اتعلقت بيكـ
سمسم: عمري يا سمسمة والله انا حبيتك جدا صح مش شوفتك بعيني بس شوفتك بقلبي..
سمسمة: بجد يا سمسم
سمسم: وحياتكـ..
هل يستمر الحب Nsaayat8c3b2c4f25

هدت سمسمة شوية وقالت يارب ما تفرق بيني وبينهـ
وجه اليوم اللى هى خايفه منه يشوفها وكلمها وقالها هركب الطياره
لحظة وصول سمسم للمطار فى مصر ملتها بالخوف
كان الخوف ملي سمسمة لابعد الحدود . لحظة خلتها تحب وتكره نفسها في نفس الوقت. لحظة خلتها ترفض تشوف الانسان لي حبته وتحاول تهرب ..
عشان مش تشوف نظره غير الحب فى عينيه . كان اهون عليها تموت ولا تشوفه بيبعد عنها
دقات قلب سمسمه بتدق مع دقات الساعه وملت جواها شعور بالرهبه وفجاه رن التليفون واتخضت
سمسم : حبيبتي ازيك
سمسمة : الحمد الله حمدالله على سلامتك !
سمسم: مش هحس انى رجعت مصر الا لما اشوفك
سمسمة: بلاش . يا سمسم نتقابل النهاردة خلك مع اهلك النهاردة
سمسم: لا انا قولتلهم رايح مشوار وجاي عشان خاطري انزلي
بجد عايز اشوفكـ..
سمسمة: حاضر يا سمسم..
ونزلت سممسة وسمسم مستنيها قدام الكافيهـ
هل يستمر الحب Nsaayat8c3b2c4f25

كان سمسم بعتلها صورته وهى رفضت تبعتله صورتها يعنى المفروض هى اللى تعرفه

سمسمة : يارب يارب هون عليه اللحظة دي

قالتله على كافيه جنب بيتها ماهى مش هتقدر تروح بعيد لوحدها والسر اللى
خبيته عليه كتير هيبان دلوقتى ياترى هيسامحها ولا ممكن يشفق عليها اول ما
وصلت وبصتله شافت احلامها بتتحقق وهى مش قادره تلمسها وشافته بيبصلها وهو
مش عارفه نظره مليانه شفقه على بنت جميله مشلوله من يوم الحادثه
والعمليه اللى المفروض تعملها باباها مش قادر على مصاريفها سابت الكليه
وبعدت عن الناس كلها عشان محدش يعرف كانت بتكره نظره العطف حتى من
الممرضين والدكاتره والنهارده لازم تواجه الانسان الوحيد اللى متتمناش
النظره دى منه وشافتها
وادورت وقررت تمشى

سمسم حس انها اتخرت عليه فقرر يتصل بيها واتصل ولاقى تليفون البنت
العاجزه قدامه بيرن نغمه حبيبته قفل التليفون لاقى التليفون سكت وقتها
عرف انها هى عينه وعينيها اتثبتوا على بعض نظره ذهول وشفقه مع نظر منها
صدمه وياس

قربت سمسمة بالكرسى : طبعا اتصدمت صح .. عرفت ليه كنت رافضة مقابلتك لاني
كنت عارفة اول ما حتشوفني حشوف نظرة دي .. لكن انا مش طالبة شفقة منك
ولا من غيرك عارفه ان القصه انتهت لغايه هنا همشى ومش هتشوفنى تانى
هل يستمر الحب Nsaayat8c3b2c4f25

سمسم فضل ماشى منطقش ولا كلمه محاولش يقولها استنى فضل ماشى وعينيه
بتدمع معقول الجمال والاخلاق دى تكون عاجزه لا مش ممكن بس انا حبيتها
هل يستمر الحب Nsaayat8c3b2c4f25

وفى يوم اتصل سمسم بيها
سمسم: ازيك
سمسمة: الحمدلله وانت
سمسم: انا مسافر قولت اودعك
سمسمة : عارفه ان اللى بينا كلها وداع
سمسم: ارجوكى تقدرى موقفى انا
سمسمة: خلاص يا سمسم سافر انا عارفة دي نهاية مش اتصدمت مش تقلق
سمسم: ليه خبيتي عليه
سمسمة : عشان لحظة زى دى
سمسم: بس انتي صدمتيني يا سمسمة مرة واحدة
سمسمة : ارجوك كلامك بيوجعنى اكتر
سمسم: انا اسف هقفل دلوقتى
هل يستمر الحب Nsaayat8c3b2c4f25

سمسمه ايوة وقتنا خلص عارفه وفجاه سمع صوت وقوع وصوت حد جنبها بيقول سمسمه بخضه
وقتها سمسم حس اد ايه هو بيحبها قلق عليها وقعد يقول الو
بابا سمسمه الو مين معاى
سمسم انا مكن تقولى عنوان حضرتك ولما اجى هشرحلك كل حاجه
باباها هنروح المستشفى دلوقتى وقاله اسمها
وهناك وصلت سمسمه وكان مغمى عليها
الدكتور للاسف الوقعه اثرت على العمود الفقرى اكتر وواضح انها حاولت تقف
باباها وبعدين يادكتور انا خايف عليها
الدكتور لازم عمليها فورا والا للاسف مش هيبقى فى امل تانى انها تمشى ابدا
وصل سمسم وسمع الكلام وقاله يعملها العمليه
بصله باباها انت مين وازاى تقوله يعملها
سمسم انا عايز اتجوز سمسمه وعارف انه مش وقته ارجوك يادكتور اعمل اللازم

بصله باباها باامتنان ودخلت سمسه تعمل العمليه لحظات مرت كانت بتموت كل
واحد فيهم وكلهم امل وخرج الدكتور اخيرا وقال ان العمليه نجحت وهتبدء علاج
طبيعى فى خلال شهر وبعد كام ساعه دخلها سمسم وفتحت عيينها لاقته غمضتها
تانى
سمسم انا مش حلم انا حقيقه
سمسمه انت بتحبنى
سمسم ايوة وهفضل معاكى طول عمرى
سمسمه بس انا
سمسم هششششششش وحط صوبعه على شفايفها هتمشى العمليه نجحت وهفضل معاكى عمرى كله

هل يستمر الحب Nsaayat8c3b2c4f25

» الحب
» لا حياء في الحب
» الزواج و الحب
» كيف نحافظ علي الحب ؟؟؟
» انواع الحب!!!!