[center]
الســـلام عليكـــم ورحمـــه الله وبركاتـــه
بســـم الله الرحمـــن الرحيـــم
طبعا كلمه " DragonBall " وكلمه " مجانا " لما تلاقيهم فى عنوان اى موضوع .. اول شئ بيخطر على بالنا .. انه موضوع نصب فى نصب .. وطبعا كلام مظبوط .. لان مفيش " حدايه بترمى كتاكيت " او بمعنى اوضح " مفيش حاجه ببلاش " خصوصا فى " Conquer " لكن الى انا هتكلم عليه فى الموضوع ده .. هى مهمه .. نزلت من فترة والكل فرح بيها واول ما عرفوا شروطها زعلوا جدا ..
كلامى فى الموضوع ده عن مهمه " DragonBall " ما بعد لفل " 137 " ..
ناس كتير دلواقتى هتقول ما المهمه دى اتشرحت " 30 " مرة قبل كده .. وانا هقوله كلامك مظبوط ..
طيب ايه الجديد .. عامل الموضوع ده ليه .. هقولك انا ..
انا كاتب فى العنوان e]دراجـــون بـــول " DragonBall " مجانـــا + ثغـــرة ] مظبوط ؟؟
انا مش عايزك تركز فى العنوان الا على كلمه واحده بس .. وهى " ثغـــرة " هتقولى ثغرة ازاى ؟؟
هقولك انا هشرح المهمه تانى دلواقتى ولو انت عارفها متقرهاش وانزل شوف الى فى آخر الموضوع .. وهى " الثغـــرة " ..
أولا : الشـــروط ..
1- تكون لفل " 137 " او أعلى .
2- تكون قوى ومعاك " Tower - Fan " لا بأس بهم .
3- يكون معاك " TwinCityGate - ApeCityGate - DesertCityGate - BirdIslandGate " يكون معاك " 4 " من كل واحده .
ثانيا : الشـــرح ..
هتروح تكلم واحد اسمه " TCWarder " وده موجود فى المكان ده " 432.396 " ودى صوره له ..
هتكلمه وتفضل تدوس على أول إختيار لغايه ما يديك ايتم فى الباج عندك زى الى فى الصورة دى ..
هتستخدم " DesertCityGate " عشان تروح مدينه الديسرت .. وهناك هتكلم الراجل بتاع كويست الــ " 300 " وحش ودى صوره له ..
هتكلمه
وتفضل تدوس على أول إختيار .. بيقولك يعنى ان ابنه أختفى وهو ديما بيحب
يقعد عند الشاطئ خارج المدينه وبيطلب منك انك تروح تجيبه وترجع .. ودى صورة
للولد ..
هتروح تكلمه وتفضل بردو تدوس على أول إختيار .. بيقولك يعنى ان الأرض دى محكومه بواسطه الــ " DragonKing " وانه منع نزول الأمطار لذلك هو بيفتقد المطر وبيجى يقعد عند البحر .. وبعد ما تخلص كلام معاه هتلاقيه طلب منك تقتل " 3 " وحوش ودول أولاد الــ " DragonKing " .. ودى صورة للوحوش ..
بعد ما تقتلهم هتروح تكلم الولد تانى وتفضل بردو تدوس على أول إختيار .. بيقولك يعنى انك لازم تقتل الــ " DragonKing " عشان يرجع كل شئ زى ما كان .. وبعد ما تخلص كلام معاه هتلاقى إيتم ظهر عندك فى الباج زى دة ..
هتدوس عليه عشان تستدعى الــ " DragonKing " ودى صورة له ..
بعد
ما تقتله هتروح تكلم الولد تانى وتفضل تدوس على أول إختيار .. وبعد ما
تخلص كلام مع الولد هتلاقى أيتم ظهر عندك فى الباج زى دة ..
والولد بيطلب منك انك تروح تكلم والده الى هو ده ..
كلمه وافضل دوس على أول إختيار .. هيوديك مكان مظلم وبيطلب منك انك تكلم " 3 " شخصيات بالترتيب .. ودى صورة لهم ..
هتبدأ
بالشخصيه الى فوقيها علامه إستفهام لونه ذهب زى ما باين فى الصورة الى
فاتت وتفضل تدوس على أول إختيار .. وبعد ما تخلص كلام معاه هتلاقى علامه
الإستفهام أختفت من فوقه وبقت فوق شخصيه تانيه .. ودى هتبقى تانى شخصيه
تكلمها وتفضل دوس على أول إختيار لغايه ما تختفى علامه الإستفهام وتظهر على
الشخصيه الأخيرة وبردو تفضل تدوس على أول إختيار .. وبعد ما تخلص كلام مع
الشخصيه الأخيرة هتلاقى علامه الإستفهام الى فوقه إختفت وانت اتنقلت رجعت
تانى لــ " DesertCity " بعد كده هتروح تكلم الولد الى عند الشاطئ تانى الى هو دة ..
هتفضل تدوس على أول إختيار .. وبعد ما تخلص كلام معاه هتلاقى إيتم ظهر عندك فى الباج زى دة ..
والولد بيقولك انك لازم تخدها تروح لواحد اسمه " Taiyi Zhenren " وده موجود فى مكان اسمه " DreamLand " بس مش الى عندنا فى مصر هههههههه .. لا المكان ده موجود فى " ApeCity " عشان تروحه بقى ركز فى الآتى ..
1- تستخدم " ApeCityGate " وتروح المدينه .
2- تخرج من الباب اليمين .. وتروح عند المكان الى كان بيقف فيه " Alex " الى بيدخلنا للماب بتاع مهمه " 2nd Reborn " مهمه السكند .
3- هتعدى الكوبرى وتفضل تطلع فوق لغايه ما توصل للكوبرى الثانى .
4- هتعدى الكوبرى وتلاقى جمبك واحد زى وحوش " SnackMan " هتسيبه وتطلع فوق فى الزاويه عند آخر الماب .
5- هتلاقى دوامه تخش فيها .. هتلاقى راجل واقف قدامك هتكلمه ودى صورة له .
هتكلمه وتفضل تدوس على أول إختيار .. بيقولك يعنى انه عايزك تجمعله " 5 " ازهار " Lotus " نادريين جدا .. وده شكلهم ..
ودول هنلاقيهم فى " BirdIsland " فى ماب " BirdMan " وبالتحديد فى المكان دة " 696.632 " ودى صورة للمكان .. ودول الأزهار الى هتجمع منهم " 5 " ..
وعشان تجمعهم هتقف جمب الزهرة وتدوس عليها " Left Click " هتلاقى مربع أصفر ظهر فى نص الشاشه تحت ومتتحركش من مكانك الا لما يكتمل .. بعد ما تجمع الــ " 5 " ازهار هترجع تانى لــ " Taiyi Zhenren " وتكلمه وتفضل تدوس على أول إختيار لغايه ما يديك ايتم فى الباج معاك زى دة ..
هتخدها وترجع للولد الى واقف عند الشاطئ الى هو دة ..
هتكلمه وتفضل تدوس على أول إختيار وبعد ما تخلص كلام معاه هتدوس كليك يمين على الأيتم الى معاك فى الباج الى هو دة ..
هتلاقى الدنيا ظلام لمده ثانيه وبعدين هيظهر " Dragon " تنين قدامك زى دة ..
أوعا تخاف او تتحرك من مكانك هههههههههههه .. تقتله ويفضل يكون معاك سكيل الــ " Fog
" عشان تنجز بسرعه .. تضربه لغايه ما تعدمه العافيه هههههههههههه .. لما
تموته تكلم الولد الى جمبك لآخر مرة وتفضل تدوس على أول إختيار .. وبعد ما
تخلص كلام معاه ..
مبروك " DragonBall " نظير مجهودك فى الكويست
ثالثا : الثغـــرة ..
فاكرين من زمان اوى فى أول الموضوع كده لما قلتلكم الى عارف المهمه ميبصش للشرح ويركز فى آخر الموضوع على " الثغـــرة " ؟؟
اهو جه وقتها .. طبعا كله يأس دلواقتى عشان شرح المهمه الى فوق دى للشخصيات لفل " 137 " أو أعلى وهنا بقى ابدأ اتكلم عن " الثغـــرة " ..
الثغرة بردو لها شروط بس ابسط شويه وكلنا نقدر عليها وهى كالآتى ..
1- تكون لفل " 130 " وممكن اقل بس الى اعرفه انك تبقى لفل " 130 " على حسب ما انا جربت بالشخصيتين الى معايا .
2-
تنزل الريبورن الجديد الى هو بالــ " Oblivion Dew " ودى تقدر تشتريها من
الــ " Store " بتاع الأرينا كوليفير او الــ " Store " بتاع سباق الأحصنه
..
بعد ما تنزل بتبقى لفل " 15 " وهنا " الثغـــرة " بقى .. لأن السيستم بيظهر عنده انك لفل " 130 " بس مبيظهرش عنده انك نزلت النزله الجديدة .. ولما بتنزل بتبقى لفل " 15 " دول زى ما قلت مش بيظهروا فى حسابات السيستم انما بيتجمعوا على لفلك الى كنت عليه قبل ما تنزل فلو مثلا انت كنت لفل " 130 " قبل النزله .. الشاطر فى الحساب بقى يجاوب .. بيظهر للسيستم انك لفل " 145 " يعنى اعلى من " 137 " يعنى تقدر تعمل المهمه عادى جدا .. وتقدر تعملها بأى لفل بعد النزله الجديدة سواء لفل " 15 " او اعلى المهم يكون معاك تاور وفان كويسين وسكيل " Fog " عشان تقدر تخلص بسهوله .. وللمرة التانيه ..
[size=29]مبروك " DragonBall " نظير مجهودك فى الكويست[/size]
