حصريا ازاى تجيب cps كتير من غير ما تللعب كونكر

السلام عليكم ورحمه الله وبركاته

الموضوع ده ياجماعه بجد حصرى جدا للمنتدى هنا
وانا بصراحه تعبت فيه جدا
علشان كده ارجو ان محدش ينقل الموضوع ولو نقله
ياريت مينكرش حقى فى الموضوع ده
نبدأ على بركة الله

الموضوع ده عن حاجه اسمها ( shells )

اولا لازم نعرف ايه هيه ال ( shells )
معنى كلمة ( shells ) >>> القواقع

المهم ان الحاجه دى عملاها شركه TQ علشان تعمل تفاعل للموقع بتاعها
وزى ما فى اعداد كبيره بتلعب اللعبه
يكون فى اعداد كبيره برضو بتدخل على الموقع الرسمى للعبه

ال ( shells ) دى عمله على الموقع بتبدلها ب سى بى اس وتستلمها داخل اللعبه

فى الاول علشان تعرف انت معاك كام ( shells ) بتدخل على الموقع ده

[ندعوك للتسجيل في المنتدى أو التعريف بنفسك لمعاينة هذا الرابط]

ودى صوره بتوضح المكان اللى هيكون مكتوب فيه عدد ال ( shells ) اللى معاك

ثانيا :
ودى اهم حاجه هيه ازاى اجمع ال ( shells ) وازاى اجيبها ؟
فى طرق كتير جدا تجمع بيها ( shells )
وانا هشرحلكم جميع الطرق وبطريقه مبسطه ان شاء الله

1- انك تسأل وتجواب على اسئله
هندخل على الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]

هنلاقى الاسئله زى ما انا موضحها فى الصوره دى

هنلاحظ حاجه
ان فى اسئله جمبها مكتوب ارقام زى 5 او 2 - وفى اسئله مكتوب جمبها 0
زى ما انا موضح فى الصوره
الارقام دى عباره عن نقط انت بتاخدها لما تجاوب على السؤال
بمعنى ان السؤال اللى مكتوب جمبه 5 يعنى انت هتاخد 5 نقط
والسؤال الى جمبه 0 يعنى انت مش هتاخد نقط حتى لو جاوبت على السؤال

ولاكن فى حاجه مهمه
لو اجابتك كانت احسن اجابه هتاخد نقط
وكل اسبوع المديرين بتوع الموقع بيشوفوا مين اكتر ناس متفاعله معاهم
وبتجاوب وبتسال وبيدوهم نقط

النقط دى بتجمع منها كتير علشان تبدلها بعد كده ب ( shells )

2- انك تكمل بياناتك فى الموقع الرسمى للعبه

هتدخل على الرابط ده

هتلاقى على الشمال زى ما انا موضح فى الصوره

هتدوس على كلمة edit

هيظهر صفحه فيها زى ما انا موضح فى الصوره

1- دى بينات بسيطه عنك ( تاريخ الميلاد - الاسم الحركى - بنت او ولد - بلدك )
2- ده التوقيع بتاعك الى الناس هتشوفه
وهتختار صوره خلفيه وهتكتب فيها بيناتك فى اللعبه
3- دى معلومات حقيقيه عنك ( اسمك الحقيقى - رقم تليفونك - رقم صندوق البريد
وعنوانك - الايميل بتاعك )
4- دى حياتك الاجتماعيه وعلاقاتك ( عازب او متزوج - تحب تتعرف على بنات ولا
ولاد - بتبحث عن صداقه )
5- دى معلومات شخصيه عنك ( طولك كام - عرضك كام - فصيلة الدم - ايه الحاجات
اللى بتحبها )
6- معلوماتك فى اللعبه
7- الشغل وعنوان الشغل مش مهمه اوى يعنى
8- صوره ليك او صوره رمزيه ليك
بعد ما بتملى كل البيانات دى بتاخد 1 ( shell )

3- بترفع صور من اللعبه وصور عاديه ليك فى البروفايل بتاعك
بندخل على اللينك ده

[ندعوك للتسجيل في المنتدى أو التعريف بنفسك لمعاينة هذا الرابط]

هنلاقى على الشمال زى ما انا موضح فى الصوره

هندوس على upload
وده شرح بالصوره ازاى تعمل ابلود

ملحوظه : فى ناس مش عارفه ازاى تاخد صور ليها من اللعبه
طريقه بسيطه جدا
وانت فاتح اللعبه وعايز تاخد للمنظر اللى انت فيه صوره
بتدوس على زورار فى الكى بورد عندك اسمه ( print screen ) ده موجود
جمب زورار ( F12 ) على طول
وبعدين بتطلع وتفتح برنامج الرسام ( paint ) وتدوس ( ctrl+v )
هتلاقيه جابلك الصوره اللى انت طبعتها من اللعبه تعملها سيف
فى اى ملف عندك على الجهاز
بعد ما ترفع اكتر من 25 صوره على البروفايل بتاعك بتاخد 1 ( shell )
وكل ما عدد صورك بقى كتير كل ما بتاخد نقط
وكل ما عدد الالبومات الى انت عاملها للصور بتاعتك على الموقع بقى كتير
بتاخد نقط
وكمان كل اسبوع او شهر المديرين بيشوفوا ايه اكتر الصور اللى ناس
دخلت شافتها وبتكسب ( shells ) ب

4- تدخل على المنتدى الرسمى للعبه وتشترك

الرابط ده للمنتدى الانجليش [ندعوك للتسجيل في المنتدى أو التعريف بنفسك لمعاينة هذا الرابط]

والرابط ده للمنتدى العربى [ندعوك للتسجيل في المنتدى أو التعريف بنفسك لمعاينة هذا الرابط]

انت بتدخل وتحط ردود ولازم تكون ايجابيه وكمان ممكن تعمل مواضيع هناك
ولو الموضوع بتاعك دخل عليه ناس كتير وكتبوا ردود كتير
بتاخد نقط اكتر
وكل مكان تفاعلك على المنتدى كتير كل ما تاخد نقط اكتر
وزى ما قولنا قبل كده النقط دى بتجمعها علشان تحولها بعد كده ل ( shells ) ب

5- اشترك فى التصويت وقول رايك على الموقع
هندخل على الرابط ده

كل يوم نشوف ايه الموضوع اللى عايزين يصوتوا عليه وياخدوا اراء اللاعبين عليه
ونشترك ونقول راينا
وهناخد نقط على كده

6- اكتب قصه من وحى خيالك وحطها على الموقع
هندخل على الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]

وطبعا ده لو الانجليش بتاعنا كويس لو مش كويس هنستخدم ترجمة جوجل
المهم ان الى بيكتب قصه بياخد نقط عليها
وفى حاجه حلوه كمان
بيعملوا مسابقه ويشوفوا احسن قصه
المركز الاول : بياخد 2 ( shells ) ي
المركز الثانى: بياخد 1 ( shell ) ي + 1 ( ice shell )ي
المركز الثالث: بياخد 1 ( shell ) ي
من المركز الرابع الى المركز السابع : بياخد 1 ( ice shell ) ي
وده بيتم كل شهر

7 - اعمل كويستات على الموقع
هندخل على الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]

هنلاقى كويستات كتير وكل كويست مكتوب تحته الجايزه بتاعته ( هتكون عباره عن نقط

والنقط دى بنحولها بعد كده ل ( Shells ) ي

ودى كل الطرق اللى ممكن تجمع بيها ( Shells ) وعلى فكره سهله مش صعبه

ثالثا واخيرا

بعد ما جمعت ال ( shells ) ابدلهم ازاى ب سى بى اس ؟؟؟

هندخل على الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]

ونشوف الصوره دى كويس

ده الجزء الاول من الصفحه اللى هتفتح لما ندخل على الرابط
بيقولك
انك ممكن تدخل تجرب حظك ب 1 ( shell ) بس
المهم ان يكون فى ايتمز موجوده زى ما انا معلم عليها فى الصوره
والموضوع ده انت وحظك
ممكن تاخد 100 سى بى اس او ممكن تاخد اكتر او ممكن كمان متاخدش حاجه خالص

وده الجزء التانى من الصفحه
وبيبنلك قيمة ال ( Shells ) كام بالسى بى اس
تشوف انت معاك كام وتشوف تقدر تبدلهم بكام وتبدل
ودى مفيهاش حظ دى زى ما مكتوب انت هتاخد

اخر حاجه علشان اكون مسبتش ولا فتفوته فى الموضوع
طيب انا جمعت وبدلت من الموقع استلم السى بى اس ازاى ؟

ملحوظه مهمه جدا
العمليه دى ممكن تاخد يوم او يومين بالكتير علشان يبعتولك السى بى اس
انت تخلى بالك كويس
اول لما تفتح اللعبه
تشوف الرسايل بتاعت السيستم هتلاقيه كاتبلك كلام قريب من ده ( go claim your priz from npc in market 187,169 ) ي
شوفت الرساله او مشفتهاش كل لما تفتح تروح الماركت عند الراجل الى فى الصوره ده
وتكلمه

ويبقى مبروك عليك السى بى اس

معلش اتحملونى شويه اخر حاجه مفيده جدا
انت ممكن تعمل اكونتات كتير وتدخل تكمل البينات بتاعتك على الموقع وترفع صور
وتجيب 2 ( Shells ) ودول بتبدلهم ب 100 سى بى اس
بس خليها كل يوم اكونت علشان ميكشفش ان ده اسبام او نصب

وبكده اكون خلصت الموضوع الطويل ده
ويارب اكون قدرت اوصلكم المعلومه
واتمنى منكم الردود الحلوه
والتقييم
وياريت المشرفين يثبتوا الموضوع مش علشانى
علشان بس الناس تستفيد منه
والسلام ختام

__________________

شكرا يا مان

» hجمد سيرفر في تاريخ كونكر 5666 بيوقع 2000 سي بي اس واللي بينزل لية هدايا كتير
» حصريا شرح ازاى تسيف الهاله بتاعت البى كى تورمنت
» ازاى تعرف معاك كام بونس و ازاى تشترى بيها حاجه بالصور
» كونكر عربى كونكر تهييس عربى احسن كونكر فى العالم
» احسن كونكر فى مصر واجمد كونكر فى العالم General-CO عالم الترفيه