نظام غذائى صحى جدا + استفسار للناس الحلوة اللى هنا

انا كان عندى سؤال للناس الحلوة اللى
هنا .. انا وزنى 90 و طولى 180 و عايز اخس 10 كيلو بس مش مستعجل علشان
الامتحانات و كده المهم انا ماشى على ريجيم هكتبه هنا و ياريت اسمع رأيكم
فيه
الفطار

3 ملاعق بطاطس مهروسة - بيضة مسلوقة - نصف رغيف

الغداء

7 ملاعق رز او 9 مكرونة
ربع فرخة مشوية او مسلوقة - او قطعة لحمة - او سمكة مشوية
خضار سوتيه و طبق سلطة خضرا

العشاء

زبادى - او كوب لبن مع بيضة مسلوقة



- انا بمشى حولى تلت ساعة كل يوم و بعمل تمارين رياضية حوالى نص ساعة فى البيت لان مفيش وقت اروح الجيم هى تمارين بطن و كده
- انا مش باكل اى حاجة من بره الرجيم غير ممكن فاكهة او عصاير بدون سكر
- مش باخد اكتر من 3 ملاعق سكر فى اليوم
- يوم الخميس مش بلتزم اوى يعنى بس الخروج عن الرجيم بيبقى بسيط و فى اضيق الحدود
- مش باخد اى ادوية

استفسارى بقا .. هل الرجيم ده ممكن يخسسنى من 1 : 2 كيلو فى الاسبوع ؟ و لو اى حد عنده ملاحظات يقولى و مستنى ردكم