بسم الله الرحمن الرحيم
انا النهارده كنت بفكر اعمل موضوع عن الجليتشات
عشان الناس النووبس الى بتحب الحاجات ده طبعا
الى زىى وزيك
فا قررت اعمل موضوع لتعلم كافه انواع الجليتشات اي مناطق الخلل في كروس فاير
منقول
و قبل ما اقول اي حاجه علي ما اظن ان دي اكبر تجميعه للجليتشات
او مش هقول اكبر
بس هقول من اكبر التجميعات والله اعلم
_-*~^~*-_-*~^~*-_-*~^~*-_
هنبتدي بأول حاجه
ازاي تعرف ان الخريطه دي فيها " Glitch "
بص يا سيدي
1-تدخل تلعب دور كامل في الخريطه دي لحد اخره
2- بعد كده هتقوم بتسجيل الاعاده
3- بعد كده شغل الاعاده و وقفها يعني اتك " Pause "هتلاقي الفيديو وقف
4- بعد كده اختار ال فريي موود ... Free Mode " F3 "
5- و دلوقتي انت ممكن تطير في اي حته في الخريطه بالكاميره و تدور علي الاماكن اللي ممكن يبقي فيها جليتش وراء الجدران
_-*~^~*-_-*~^~*-_-*~^~*-_
هنيجي بقي لــ Corner Glitch
Corner Glitch ... جابلنا ايه معاه ده !!!
انه ممكن يتعمل طالما هناك زوايا في الخريطه
يعني اي زاويه في اي خريطه
نيجي بقي للطريقه
1- روح لأي زاويه
2- اتك كنترول " Ctrl "و أفضل ضاغط عليه و نط و انت ضاغط عليه برضو
3- و تفضل تضغط علي الـW و الـS بالتناوب يعني ورا بعض بسرعه
4- الخطوه دي هتلاقي نصل دخل في المكان اللي انت بتحاول تدخل جواه
قوم سايب الكنترول و امشي جواه و بعد ما تدخل جواه اتك كنترول تاني
" ملحوظه :
في اماكن بتلاقي نفسك بتنقص فيها في الحاله دي افضل تكتك علي الكنترول بسرعه هتلاقي نفسك مش بتنقص "
هنيجي للـ Wall Glitches
او الـ Push
يا فرحتي و استفادنا منه ايه ده .. انا هقولك انت و هو
ده يا معلم بيخليك تدخل جوه اي حيطه و تقف جوه اي فاتحه في اي خريطه مهما كانت
و بالتالي هتشوف اي حد في اي مكان و تضرب اي حد و يا خساره
هو عمره ما هيقدر يجيب طلقه واحده فيك
نيجي بقي للطريقه
1-انت هتحتاج واحد معاك كمان
2- في الخطوه دي الشخص رقم واحد اللي هو انت هتدي وشك للحيط و افاك لزميلك
اما الشخص التاني اللي هو زميلك هيقف وراك بالظيط
3- الشخص التاني اللي هو زميلك هيجري نحيتك و هيفضل ضاغط علي الـW و مش هيسيبه إلا بعد ما تدخل في الحيطه
اما انت بقي فده دورك في انك تفضل تضغط علي " A - D " بسرعه لحد ما تدخل في الحيطه
4- في الخطوه دي لما تلاقي نفسك دخلت في الحيطه امشي لقدام لحد ما تدخل خالص و عيش حياتك
" ملحوظه :
في بعض الأماكن في بعض الخرايط لما بتدخل في الحيطه بتنقص 20 ب 20 و الحل الوحيد انك تفضل تنط بالمسطره "
_-*~^~*-_-*~^~*-_-*~^~*-_
نيجي بقي للــ Super Jump
و الجليتش ده بيخليك تنط عالي فوق معظم السطوح او الإساقاطات
نيجي بقي للطريقه و دي سهله مش صعبه اوي
1- انت هتحتاج لشخص كمان هلشان تعمل السوبر جامب
2- الخطوه دي عايزه دقه شويه
و دي انك انت و زميلك تقفوا في اي زاويه و تتفق مع زميلك انك تنطو نحيه الزاويه في نفس الوقت
_-*~^~*-_-*~^~*-_-*~^~*-_
و ده جليتش تاني الـFly Glitch
في ناس كتير بتقول عليه هاك مش عارف ليه
و انه صعب
بس ده سهل جدا جدا جدا
بس محتاجه دقه و سرعه شويه
مش مصدقين ؟؟
تعالو نشوف سهل ولا لا
1- انك تقفو انت و زميلك قصاد بعض بالظبط و تتكو علي الكنترول " Ctrl " و متسيبوش الكنترول خالص
2- انك انت و زميلك تمشو في نفس الوقت لحد ما تدخلو في بعض و انت متك علي الكنترول
3- بعد كده تسيبو الكنترول في نفس الوقت
4- بعد كده تتفقو و واحد فيكم ينط و التاني ينط بعده ب فينتو ثانيه او اقل لو ينفع
هتلاقو نفسكو واقفين علي الهوا
5- نطو تاني و افضل كرر الخطوه الرابعه مع زميلك
هتلاقي نفسك طلعت فوق خالص xD
" ملحوظه :
الجليتش ده بيفضل انك تعملو في الهيرو موود او الموتانت موود ولكنه ينفع في كل المودات "
و بكده اكون خلصت الـGlitches Guide
و لو في اي سؤال من اي حد او لأي حاجه مش مفهومه ارجو اخباري و انا هقولكم تتعاملو معاها ازاي
