وصفة طاجن بطاطس فى الفرن مصرى اصلى ورز حبه وحبة

النهاردة وصفتنا مصرية اصيلة

طاجن بطاطس باللحمة فى الفرن ومعاه رز حباية وحباية يمييييييي


مقاديير البطاطس
===========

3 حبات بطاطس متوسطين مقطعة حلقات

1 حبة بصل صغيرة مفرومة

2 معلقة كبيرة توم مفروم

لحمة مسلوقة

2 كوب شوربة

1 كوب طماطم بيوريه

1 مكعب مرقة دجاج

2 معلقة كبيرة زيت ذرة

هنجيب الحلة ونحطها على النار

حطى الزيت وسخنيه


هنضيف البصل ونشوحه شوية لحد مايدبل


بعد كده هنضيف التوم ونشوحه مع البصل لحد ماريحة لتوم الجميلة تظهر وتبان



بعد كده هتضيفي حلقات البطاطس بعد ماتصفيهم كويس من الميه وتشوحيهم مع البصل والتوم كويس
ليه بقى الخطوة دى لو تاخدو بالكو فى برامج الطبخ بيقلو الخضار او البطاطس نص قليه قبل مايضيفوها للصلصة عشان البطاطس متنشيش فى الطبيخ وكمان تفضل محتفظة بقوامها

وانا مش بحب اقلي بصراحة بس لما بتشوحيها مع البصل والتوم بتتشمع من المادة الدهنية الى بتطبخى بيها وبتأدى نفس الغرض


بعد كده هنضيف اللحمة المسلوقة
خدى بلك من لون البطاطس بقى بعد ماضفنا اللحمة



بعد كده هنضيف الطماطم والشوربة ومكعب مرقة الدجاج وقلبي كله مع بعض
وضبطى الملح بتاعك وتسبيهم على النار يدوبك غلوة واحدة بس لاننا هنكمل التسوية فى الفرن




حطى البطاطس فى الطاجن
وعلى الفرن علطووووووووووول